Norveç Elm və Texnologiya Universitetinin (NTNU) tədqiqatçıları tərəfindən aparılan yeni araşdırma, kainat haqqında anlayışımızı əhəmiyyətli dərəcədə dəyişə biləcək ultra-enerjili kosmik şüaların mənşəyinə dair alternativ nəzəriyyə təqdim edib. Araşdırma qrupuna rəhbərlik edən Foteini Oikonomou bu barədə Science Daily-yə bildirib.
“Biz bu yüksək enerjili radiasiyanın superkütləvi qara dəliklərdən gələn küləklər tərəfindən yaradıldığından şübhələnirik” dedi Oikonomou.
Ultra enerjili kosmik şüalar enerjisi 10^20 elektron volta qədər olan protonlardan və atom nüvələrindən ibarətdir. Oikonomou izah edir ki, bu, saatda 200 kilometr sürətlə gedən tennis topunun enerjisi ilə müqayisə oluna bilən böyük enerjidir.
