Qədim insanlar oxradan təkcə bəzək üçün deyil, həm də 41.000 il əvvəl geomaqnit pozğunluğu zamanı artan ultrabənövşəyi radiasiyadan qorunmaq üçün istifadə etmişlər. “Science Advances” (SA) jurnalında araşdırma dərc edən Miçiqan Universitetinin alimləri belə nəticəyə gəliblər.
Laschamp hadisəsi Yerin maqnit sahəsini 10 dəfə zəiflədib, ultrabənövşəyi şüalanma səviyyəsinin artmasına səbəb olub. Radiasiyadan ən çox təsirlənən bölgələrdə (Avropa, Afrika, Avstraliya) oxradan istifadə artdı, qayaüstü rəsmlər meydana çıxdı, geyimlər mürəkkəbləşdi. Tədqiqatçılar piqmentin günəş kreminin analoqu kimi xidmət etdiyini irəli sürürlər.
“Yüksək UV şüalanma dövrləri ilə oxra paylanmasının üst-üstə düşməsi təsadüfi olmaq üçün çox dəqiqdir. Bu, sağ qalmaq üçün əsas uyğunlaşma ola bilərdi”, – tədqiqatın müəllifləri qeyd ediblər.
