3,8 milyon xəstə üzərində aparılan araşdırma nəticəsində məlum olub ki, 40 yaşlarında ürək sağlamlığı zəif olan insanlar onu yaxşılaşdıra və xəstəlik risklərini azalda bilərlər. Bu barədə Amerika Ürək Assosiasiyası (AHA) məlumat yayıb.
Alimlər Cənubi Koreyada ürək-damar və böyrək xəstəliklərindən əziyyət çəkməyən 3,8 milyon insanın məlumatlarını təhlil ediblər. Onların 62,8%-ni kişilər təşkil edib, iştirakçıların orta yaşı 31 olub.
40 yaşında ideal ürək sağlamlığı olan insanlarda insult, böyrək, ürək və ya damar xəstəliklərinə tutulma ehtimalı 65% azdır. Onlar iştirakçıların ümumi sayının 1%-ni təşkil edirdilər və bir neçə ildən sonra onların yarısı ürək sağlamlığını pisləşdirdi. Bu, sağlamlığın kövrəkliyini və hətta şikayətləri olmayan gənclərdə də sağlam həyat tərzi sürmək üçün səylərin vacibliyini vurğulayır.
Mənbə: TASS
