Zhejiang Universiteti (Çin) və Kembric Universitetindən (Böyük Britaniya) beynəlxalq alimlər qrupu displeylər üçün virus ölçülü piksellər yaratmağa imkan verən texnologiya hazırlayıb.
Araşdırma “Nature” elmi jurnalında dərc olunub.
Cari displeylər II-V yarımkeçiricilərə əsaslanan mikro-LED-lərdən istifadə edir, lakin onların ölçüsünün daha da kiçilməsi çox bahalaşır və səmərəsiz olur.
Komanda günəş hüceyrələrində silikonun əvəzi kimi artıq tədqiq edilən bir mineral olan perovskitə müraciət etdi. Ondan elektrik cərəyanı tətbiq edildikdə işıq saça bilən yarımkeçiricilər yaratdılar.
