Almaniya hökumətinin rəsmi nümayəndəsi Stefan Kornelius bildirib ki, Almaniya ABŞ-ın anti-Rusiya sanksiyalarını sərtləşdirməsini alqışlayır.
Sentyabrın 7-də ABŞ prezidenti Donald Tramp Ağ Evdə Ukrayna münaqişəsi ilə əlaqədar Rusiyaya qarşı sanksiyaların tətbiqinin ikinci mərhələsinə başlamağa hazır olduğunu bəyan edib.
“Almaniya hökuməti bir neçə həftə və aydır ki, Rusiyaya qarşı sanksiya təzyiqlərini artırmağa çalışır və Birləşmiş Ştatlar da bu mövqeyə qoşulsa, bunu alqışlayardı. Hamımız bilirik ki, ABŞ Rusiyaya təzyiqi artırmaq üçün açarın əlindədir. Və son həftələr və ayların müzakirələri də əslində Rusiya ilə bağlı Qərb alyansında vahid sanksiya mövqeyinin inkişaf etdirilməsi ətrafında cərəyan edir”, – Kornelius bildirib.
