Almaniyanın müdafiə naziri Boris Pistorius deyib ki, Berlin ABŞ-la münasibətlərində “yeni gözlənilməzlik”lə üzləşir və buna görə də Ukraynadakı münaqişə kontekstində daha çox məsuliyyət və hərbi liderlik üzərinə götürməlidir.
Onun sözlərini Reuters agentliyi sitat gətirir.
“Transatlantik münasibətlərimizdə yeni gözlənilməzlik yaranıb. Birləşmiş Ştatlar NATO-ya sadiq qalır, lakin haqlı olaraq Avropanın Alyansa daha güclü töhfə verməsini tələb edir”, – Pistorius bildirib.
Nazir əmin edib ki, Almaniya avropalı tərəfdaşları və NATO müttəfiqləri ilə birlikdə lazım olan hər şeyi edəcək. Eyni zamanda, o qeyd edib ki, qitə gələcəkdə “daha çox liderlik təmin etməli” olacaq.
