Almaniya Baş Prokurorluğu 720 milyon avrodan çox dondurulmuş Rusiya aktivlərinin müsadirə edilməsi üçün məhkəməyə müraciət edib.
Bu barədə departamentin dərc olunmuş bəyanatında deyilir.
“Xarici ticarət qanunvericiliyinə əsasən cəzalandırılan embarqonu pozmaq cəhdinə görə Frankfurt-Mayndə bir Rusiya maliyyə institutunun hesabındakı 720 milyon avrodan çox məbləğdə vəsaitin ələ keçirilməsi”.
Eyni zamanda, bəyanatda vəsaitin sahibi göstərilmir, lakin Der Spiegel aktivlərin sahibinin Rusiyanın bank olmayan kredit təşkilatı olan Milli Hesablaşma Depozitarisi olduğunu iddia edir.
Jurnalın məlumatına görə, təşkilat 2022-ci ilin iyununda Aİ sanksiyalarına məruz qalıb, bundan sonra o, JP Morgan-ın Almaniyadakı törəməsinin hesabından başqa hesaba 720 milyon avro köçürməyə cəhd edib. Ödəniş edilmədi, Der Spiegel qeyd edir.
Mənbə: Bloomberg
