Almaniyanın xarici işlər naziri Johann Wadephul “Şimal axını”nın partladılmasını “terror aktı” adlandırıb.
O, bu barədə “India Today” telekanalına müsahibəsində deyib.
Jurnalistlər ondan qaz kəmərlərinin partladılması ilə bağlı araşdırmaya münasibət bildirməsini xahiş ediblər.
“Xeyr, biz ancaq dağıntı gördük və təbii ki, bu, mən deyərdim ki, terror aktı idi. Hazırda araşdırma aparılır”, – deyə o, cavab verib.
Diplomat əlavə edib ki, o, Almaniyanın ədliyyə sisteminə tam arxalanır, o, günahkarları müəyyən etməli və onları məsuliyyətə cəlb etməlidir.
