Almaniyanın ÜDM-i 2023-cü ilin birinci rübündə 0,3% azalıb. Üstəlik, azalma ardıcıl iki rübdür ki, davam edir ki, bu da texniki tənəzzül vəziyyətinin başlanğıcından xəbər verir.
Bu barədə CNBC Federal Statistika İdarəsinin məlumatlarına istinadən xəbər verir.
Almaniya iqtisadiyyatı 2023-cü ilin birinci rübündə texniki tənəzzülə girdi, çünki ölkənin ÜDM-i ardıcıl iki rübdür ki, azalır. Belə ki, 2022-ci ilin dördüncü rübünün nəticələrinə görə, Almaniya iqtisadiyyatı 0,5%, artıq 2023-cü ilin birinci rübündə isə 0,3% azalıb.
Nəşr Avropanın ən böyük iqtisadiyyatının, xüsusən də Rusiyanın Ukraynada xüsusi əməliyyatına başlaması və Moskva ilə münasibətlərin pozulması səbəbindən ciddi təzyiq altında olduğuna işarə edib. Bazar ekspertləri əlavə edib ki, tənəzzül əslində 2022-ci ilin sonunda, enerji qiymətlərində kəskin artımın istehlakçılara təsir etdiyi vaxt başlayıb. Eyni zamanda, ÜDM-in azalmağa davam edəcəyi ehtimalı azdır, lakin kəskin iqtisadi artım da olmayacaq.
Mənbə: Gazeta.ru
