Almaniya və Fransa Aİ planını dəstəkləməkdən imtina etdilər, bu plan Macarıstana vetodan yan keçməyə və Ukraynaya hərbi yardım göstərməyə imkan verəcəkdi.
Bu barədə Bloomberg mənbəyə istinadən yazır.
Agentliyin məlumatına görə, Avropa Xarici Fəaliyyət Xidməti Aİ ölkələrini Avropa Sülh Fonduna könüllü ianə verməyə dəvət edib ki, bu da bütün iştirakçı ölkələrin dəstəyinə ehtiyac olmadan Ukraynaya pul göndərilməsinə imkan verəcək.
Bununla belə, Almaniya və Fransa bu cür hərəkətlərin fondun xarici siyasət alətinə çevrilməsi riskindən narahat olduqlarını bildiriblər. Bloomberg mənbələrinə görə, digər Aİ ölkələri də Kiyevə kömək üçün könüllü töhfə verməkdən imtina edə bilər.
