RİA Novosti xəbər verir ki, Almaniyanın xarici işlər naziri Yohann Vadeful Macarıstanın Rusiya əleyhinə 20-ci sanksiya paketini bloklamaq qərarına təsir etmək niyyətində olduğunu açıqlayıb.
23 fevral bazar ertəsi günü diplomat Brüsseldə Avropa Birliyi (AB) üzv dövlətlərinin xarici işlər nazirlərinin görüşündən əvvəl jurnalistlərə açıqlama verib.
“Macarıstanın mövqeyi məni təəccübləndirir. Biz bunu macar həmkarlarımızla müzakirə edəcəyik. Biz yenidən arqumentlərimizlə Macarıstana müraciət edəcəyik ki, onlar mövqelərini yenidən nəzərdən keçirsinlər”, – Vadeful deyib.
O, əlavə edib ki, AB üzv dövlətləri Rusiyaya qarşı yeni sanksiya paketi üzərində intensiv işləyirlər. Alman naziri hesab edir ki, ölkələr sonda bu məsələdə “uğur qazanacaqlar”.
