Almaniyanın ARD telekanalının jurnalistlərinin ölkədən çıxarılması fonunda Almaniya Xarici İşlər Nazirliyi Rusiya səfirini çağırıb.
RİA Novosti xəbər verir ki, bunu Almaniyanın xarici işlər naziri Annalena Baerbok Yeni Zelandiyadan olan həmkarı ilə birgə mətbuat konfransında jurnalistlərə deyib.
O vurğulayıb ki, alman jurnalistlərin Rusiyadan qovulması qəbuledilməzdir və “bunun əsaslandırması sadəcə olaraq yanlış və yalandır”. Almaniya Xarici İşlər Nazirliyi Rusiya tərəfinin müvafiq qərarını pisləyib.
“Ona görə də bu gün Rusiya səfirini çağırdıq… Almaniyada və ya Avropada mətbuat azadlığına hər hansı məhdudiyyətin olması qətiyyən doğru deyil. Buna görə də bunu ARD işçilərinin hazırkı qovulması ilə əlaqələndirmək üçün qətiyyən heç bir səbəb yoxdur”, – deyə Burbok bildirib.
