İqlim tədqiqatçısı Gianluca Grimalda The Guardian-a bildirib ki, o, təyyarədən istifadə etməkdən imtina etdiyi üçün işdən çıxarılıb. Qrimalda Kiel Universitetində işləyir. Onun sözlərinə görə, iki həftə əvvəl işəgötürən ona sərt ultimatum verib ki, beş gün ərzində Kieldəki (Almaniya) ofisinə qayıtsın, əks halda işini itirəcək.
“Mən iqlim tədqiqatçısıyam və 2023-cü ilin mart ayından etibarən Papua-Yeni Qvineya sahillərindəki Bougainville adasında quru yolları boyunca demək olar ki, 24.000 km məsafədə iqlim dəyişikliyinin sosial təsirləri ilə bağlı mühüm sahə tədqiqatları aparıram”. alim bildirib.
“Mənim sahə işim təbii fəlakətlərdən tutmuş təhlükəsizlik təhdidlərinə qədər gözlənilməz çətinliklərlə dolu idi və işəgötürənim, təəccüblü deyil ki, mənim qayıtmağımın həftələrlə gecikdirilməsindən narazı idi” deyə tədqiqatçı əlavə edib. Bu tələbləri yerinə yetirmək üçün Qrimalda təyyarəyə minməli oldu. Lakin o, etik səbəblərə görə bu variantdan istifadə etməkdən imtina edib.
Mənbə: TASS
