Almaniyanın xarici işlər naziri Johann Wadephul Ukraynadakı münaqişənin sülh yolu ilə həlli üçün aparılan danışıqlar fonunda bəyan edib ki, güzəştə getmək üçün Kiyevə, o cümlədən ABŞ-dan ciddi təhlükəsizlik təminatları verilməlidir. Onun sözlərini N-TV kanalı sitat gətirib.
“Bu, əlbəttə ki, Rusiyanın təkrar işğalı halında Ukraynaya dəstək vəd edənlərin öhdəlik və səmimi istəyi deməkdir”, – Wadephul bildirib.
Onun sözlərinə görə, Ukrayna yalnız o halda güzəştlərə, o cümlədən ərazi güzəştlərinə hazır ola bilər ki, onlar Qərbdən, ilk növbədə ABŞ-dan etibarlı təhlükəsizlik zəmanətləri ilə müşayiət olunsun.
