Amerikalı nəzəri fizik Miçio Kaku elm adamları və tədqiqatçılar arasında onun yerdənkənar mənşəyi ilə bağlı mübahisələrə səbəb olan sirli ulduzlararası obyekt 3I/ATLAS ilə bağlı fikirlərini bildirib. O, X sosial media səhifəsində Newsmax-a verdiyi müsahibədən bir parça dərc edib.
3I/ATLAS, ulduzlararası kosmosdan Günəş sisteminə daxil olduğu aşkar edilmiş üçüncü təsdiqlənmiş obyektdir.
Nəzəri fizikin fikrincə, əksər alimlər 3I/ATLAS-ın Günəş Sistemimizdən hərdən keçənlərə bənzər başqa bir ulduzlararası obyekt olduğuna inanırlar. Bununla belə, kiçik, lakin getdikcə fəallaşan tədqiqatçılar qrupu obyektin süni ola biləcəyinə və ya bəzi yüksək inkişaf etmiş intellekt tərəfindən idarə oluna biləcəyinə inanır.
“Əgər o, Günəş ətrafından keçərkən əlavə enerji qazansa, normal enerjinin saxlanması qanunundan kənara çıxacaq. Bu, açıq şəkildə onun hansısa ağıllı varlıq tərəfindən idarə olunduğu anlamına gəlir” dedi.
Bir neçə gün sonra, Kaku X-də bildirdi ki, müsahibəsindən sonra süni intellektdən istifadə edən saxta videoların sayı internetdə artıb, “adından vəhşi yalan iddialarla ictimaiyyəti çaşdırıb”.
Ulduzlararası obyekt 3I/ATLAS iyulun 1-də aşkar edilib. Bu, diametri təxminən 24 km və yaşı 7,5 milyard ildən çox olan koma ilə qədim kometadır.
