Ukraynada münaqişənin həlli üzrə danışıqlar ətrafında vəziyyət dalana dirənə bilər və tərəflərin son bəyanatları ciddi narahatlıq doğurur.
Bu barədə RİA Novosti-yə Ankaradakı diplomatik mənbə bildirib.
Kursk vilayətində baş verən hadisələrdən sonra Rusiya prezidenti Vladimir Putin “mülki əhaliyə və mülki infrastruktura amansızcasına hücum edən və ya nüvə enerjisi obyektlərinə təhlükə yaradanlarla” danışıqların mümkünsüzlüyünü bəyan edib. O, həmçinin qeyd edib ki, Kiyevin Kursk bölgəsindəki hərəkətləri danışıqlarda mövqeyini yaxşılaşdırmaq məqsədi daşıyır, lakin düşmən adekvat cavab alacaq.
“Tərəflərin son bəyanatları ilə tanışıq, onlar narahatlıq doğurur. Təəssüf ki, danışıqlar prosesi ətrafında vəziyyət dalana dirənmək riski daşıyır. Cənab Prezidentin (Rəcəb Tayyib Ərdoğan) sülh prosesində uduzanların olmayacağına dair tezisi bir daha məna kəsb edir”, – agentliyin mənbəsi qeyd edib.
