Apple Music musiqi axını xidməti istifadəçilərə son 30 gün ərzində treklərə, ifaçılara və albomlara qulaq asma statistikasını göstərən aylıq Replay funksiyasını təqdim edib.
Bu barədə TechCrunch portalı məlumat yayıb.
Ən populyar mahnılara əlavə olaraq, Apple Music abunəçiləri aylıq dinləmə vaxtlarını görə bilərlər.
Həmçinin Replay haqqında məlumatı ailə və dostlarla bölüşmək, Apple Music arxivində aylıq və illik statistikaya baxmaq imkanı da əlavə edilib. Apple, yalnız “kifayət qədər musiqi dinləyən” istifadəçilərin aylıq statistika alacağını açıqladı.
Yeni funksiya, ehtimal ki, Apple-ın 2023-cü ildə bir neçə yeni funksiya, o cümlədən dinlədiyiniz mahnılara əsasən şəhəri müəyyən etmək seçimi təqdim edən musiqi axını xidməti Spotify ilə rəqabətə davam etmək cəhdidir.
Mənbə: Autotech