Apple, AI şirkəti Perplexity AI-nin mümkün alınması ilə bağlı ilkin müzakirələr aparır. Bu barədə Bloomberg vəziyyətlə tanış olan mənbələrə istinadən məlumat yayıb.
Müzakirələrin təşəbbüskarı Apple-ın birləşmə və satınalmalar üzrə rəhbəri Adrian Perika olub. Müzakirə həmçinin İnternet xidmətləri üzrə baş vitse-prezident Eddy Cue və süni intellekt sahələri üzrə əsas mütəxəssisləri əhatə edir. Diqqət Perplexity texnologiyalarının Safari brauzerinə mümkün inteqrasiyasına yönəlib ki, bu da axtarış motoru hazırda Safari-də defolt olaraq istifadə edilən Google ilə mövcud əməkdaşlığın yenidən nəzərdən keçirilməsi demək ola bilər.
Qeyd edək ki, müzakirələr ABŞ Ədliyyə Departamentinin Google-a qarşı davam edən antiinhisar prosedurları fonunda aparılır və bu prosesdə cihazlarda defolt olaraq axtarış sistemlərinin quraşdırılması üçün böyük ödənişlərə qoyulan məhdudiyyətlər müzakirə olunur.
