Avropa Komissiyası Apple-ı Spotify işində təqsirli bilib və onu cəza olaraq 1,84 milyard avro cərimələyib.Bu cərimə şirkətin tarixində ən böyük cərimə olub. Bu barədə Reuters xəbər verir.
Avropa Komissiyasının qərarına İsveçin musiqi axını xidməti Spotify-dan 2019-cu ildə alışların 30% komissiyası və tətbiqdə Apple Pay-dən yan keçə bilməməsi ilə bağlı şikayət səbəb olub. Avropa İttifaqının rəqabət orqanı Apple-ın məhdudiyyətlərinin ədalətsiz rəqabət şərtləri olduğunu bildirib.
“On il ərzində Apple App Store vasitəsilə musiqi yayımı proqramlarını yaymaq üçün bazardakı dominant mövqeyindən sui-istifadə etdi. Şirkət tərtibatçılara Apple ekosistemindən kənarda mövcud olan alternativ, daha ucuz abunə seçimləri haqqında istehlakçılara məlumat verməyi qadağan etdi. Bu, Aİ-nin antiinhisar qaydalarına görə qeyri-qanunidir”, – Aİ-nin antiinhisar üzrə rəhbəri Margrethe Vestager açıqlamasında bildirib.
Mənbə: Reuters
