Rusiya Turoperatorları Assosiasiyası (ATOR) bildirib ki, İtaliyanın ruslar üçün viza məhdudiyyətləri barədə məlumat yalandır.
“Bu, İtaliyadan irəli sürülən yeni məhdudiyyətlərə aiddir və iddiaya görə, yeddi Aİ ölkəsinə – Çexiya, Danimarka, Estoniya, Fransa, İslandiya, Latviya və Litvaya tranzit daxil olmaqla, giriş qadağaları əlavə edir. Lakin bu məlumat yalandır”, – assosiasiya bildirib.
Life SHOT Telegram kanalına istinadən xəbər verir ki, İtaliya guya Şengen vizası olan ruslara məhdudiyyətlər qoyub: viza sahibləri artıq yeddi Avropa ölkəsinə gedə bilməyəcəklər.
Məqalədə yer alan məlumata görə, bu yaxınlarda 10 illik viza almış rusiyalı turistlərin indi Çexiya, Danimarka, Estoniya, Fransa, İslandiya, Latviya və Litvaya giriş qadağası var. Bundan əlavə, bu ölkələrə tranzit giriş də qadağandır.
