Avropanın müdafiə məsələləri üzrə komissarı Andrius Kubilius bəyan edib ki, Avropa İttifaqı Ukraynadakı münaqişənin həlli üçün öz planını hazırlamalı və yalnız ABŞ-ın təşəbbüslərinə arxalanmağı dayandırmalıdır. Onun sözlərini Politico sitat gətirib.
“Avropa İttifaqı müstəqil olmalıdır və ya ən azı, Ukraynada sülhə nail olmaq üçün öz planlarına sahib olmaq və onları transatlantik tərəfdaşlarımızla müzakirə etmək də daxil olmaqla, geosiyasi proseslərdə güclü mövqe tutmağa hazır olmalıdır”, – Kubilius bildirib.
Onun sözlərinə görə, Avropa “hər altı aydan bir” yeni planlar alır və sadəcə olaraq Vaşinqtondan nə gələcəyini gözləyir. Bununla belə, Avropa komissarı qeyd edib ki, planlar Brüssel və ya Berlindən də gəlməlidir.
