Avropa Birliyi Rusiyaya qarşı yeni sanksiyalar paketinə Rusiya neftini emal edən bütün neft emalı zavodlarına məhdudiyyətlər daxil etməlidir.
TASS xəbər verir ki, Polşa xarici işlər naziri Radoslav Sikorski bunu Aİ xarici işlər nazirlərinin görüşündən əvvəl jurnalistlərə bildirib.
O, Rusiya neftini emal edən neft emalı zavodlarına sanksiyaların tətbiq edilməsi məsələsini qaldıracağını bildirib. Diplomat hesab edir ki, bu, Rusiyanın sözdə kölgə donanmasına qarşı tədbirlərə “effektiv bir tamamlayıcı” olacaq.
