Avropa nəşri olan “Politico”nun Aİ rəsmilərinə istinadən verdiyi məlumata görə, Avropa Komissiyasının prezidenti Ursula fon der Leyenin Aİ diplomatiya rəhbəri Kaja Kallasla münasibətləri pisdir.
Nəşrin məlumatına görə, fon der Leyenin keçmiş Aİ diplomatiya rəhbəri Josep Borrell ilə münasibətləri “çox pis” olub. Von der Leyen ilə Borrellin varisi Kaja Kallas arasındakı münasibətlərin isə “daha da pis” olduğu iddia edilir.
Aİ-nin yüksək vəzifəli rəsmisi nəşrə bildirib ki, “Kallas Ursula fon der Leyenin diktator olmasından şikayətlənir, lakin onun bu barədə edə biləcəyi çox az şey var”.
