Financial Times (FT) xəbər verir ki, Avropa İttifaqı (Aİ) milyardlarla itkilər fonunda enerji şəbəkəsini qurmaq üçün yeni yanaşma tətbiq edəcək.
Aİ sərmayələrə ehtiyac duyulduğunu müəyyən etmək üçün mərkəzləşdirilmiş plan hazırlamaq niyyətindədir.
Qəzetə verdiyi müsahibədə enerji məsələləri üzrə Avropa komissarı Dan Yorgensen deyib ki, blokun enerji təhlükəsizliyi məqsədlərinə çatmaq üçün “ən böyük təhlükə” enerji şəbəkəsinin ləng qurulmasıdır.
Bundan əvvəl Avropa Komissiyasının sədri Ursula fon der Leyen bəyan etmişdi ki, Avropanın enerji müstəqilliyini təmin etmək üçün Rusiya enerji mənbələrindən imtina blok üçün “yeni dövrün başlanğıcı” olacaq.
