Avropa Komissiyasının sədri Ursula fon der Leyen “Politico”ya deyib ki, ABŞ prezidenti Donald Tramp Avropanın demokratik proseslərinə qarışmamalıdır.
“Söhbət seçkilərə gəldikdə, ölkənin liderinin kimin olacağına biz deyil, xalq qərar verir. Bu, seçicilərin suverenliyidir və o, qorunmalıdır”, – von der Leyen deyib.
Avropa Komissiyasının rəhbəri onu da vurğulayıb ki, o, ABŞ prezidentləri ilə həmişə çox yaxşı işgüzar əlaqələr saxlayıb və bu gün də davam edir.
Bundan əvvəl Tramp “Politico”ya müsahibəsində bildirmişdi ki, Avropa yalnız Ukraynadan danışır, lakin Moskva ilə Kiyev arasındakı münaqişənin həlli üçün heç nə etmir.
