Avropa Komissiyasının sözçüsü Balaj Ujvary “European Pravda” qəzetinə verdiyi müsahibədə bildirib ki, Avropa Komissiyası Macarıstan və digər Aİ üzv dövlətlərindən 2025-ci ilin sonuna qədər əldə edilən razılaşmalara riayət etmələrini və nəticədə Ukraynaya 90 milyard avro kredit verilməsi barədə qərar vermələrini gözləyir.
O, xatırladıb ki, “dekabr ayında Avropa Şurasının iclası zamanı Ukraynanın büdcə və hərbi ehtiyacları üçün növbəti iki il ərzində 90 milyard avroluq həlledici dəstək verilməsi barədə yekdil siyasi razılaşma əldə edilib”.
Ujvary bildirib ki, “bütün üzv dövlətlərin krediti nəhayət təsdiqləmək məqsədilə bu siyasi razılaşmaya riayət etmələrini gözləyirik”.
