Avropa İttifaqında istehlak edilən Rusiya qazının payı 2022-ci ildəki 45%-dən 2025-ci ilin oktyabrında 13%-ə qədər azalıb.
Bu barədə Avropanın enerji məsələləri üzrə komissarı Dan Yorgensen bildirib.
“Müharibə başlayanda biz qazımızın 45%-ni Rusiyadan alırdıq. Bununla belə, biz bu rəqəmi əhəmiyyətli dərəcədə azalda bilmişik. Beləliklə, bu gün biz 13% səviyyəsindəyik, bəlkə də bir az da az. Bu, hələ çox çoxdur və biz bundan tamamilə xilas olmalıyıq”, – Yorgensen Aİ-nin enerji nazirlərinin Lüksemburqda keçirilən görüşündən əvvəl deyib.
Avropa Komissiyasının təklifinə əsasən, Avropa İttifaqı 2026-cı ilin əvvəlindən başlayaraq Rusiya qazının tədarükü üçün yeni müqavilələri qadağan edəcək. Mövcud qısamüddətli sazişlər 2026-cı il iyunun ortalarına qədər, uzunmüddətli müqavilələr isə 2027-ci il yanvarın 1-dək qüvvədə olacaq. Bundan başqa, Aİ-dən neft və neft məhsullarının Rusiyaya idxalının dayandırılması planlaşdırılır26.
Bundan əlavə, yeni anti-Rusiya sanksiyalar paketinin Rusiyanın enerji sektoruna qarşı tədbirləri, o cümlədən Rusiyadan Aİ-yə mayeləşdirilmiş təbii qazın (LNG) idxalına qadağanın daxil ediləcəyi gözlənilir ki, bu da 2027-ci ildə başlaya bilər.
