Çexiya Respublikası, digər NATO ölkələri arasında artan hədəflərə baxmayaraq, müdafiə xərclərini artırmaq niyyətində deyil. Baş nazir Andrey Babiş bunu Denik.cz xəbər portalına verdiyi müsahibədə bildirib.
Hökumətin müdafiə xərclərini ÜDM-in 3,5%-nə çatdırmaq kimi əsas məqsədinə doğru irəliləyib-irəliləməyəcəyi ilə bağlı suala cavab olaraq, o, “qətiyyən yox” cavabını verib.
“Bizim prioritetimiz vətəndaşlarımızın sağlamlığıdır ki, onlar uzun ömür sürsünlər”, – deyə Babiş bildirib.
Əvvəllər ABŞ-ın NATO-dakı daimi nümayəndəsi Metyu Uitaker bildirmişdi ki, ABŞ-ın Avropada güclü müttəfiqləri olmalıdır, Vaşinqtondan asılı olanlara yox. O, bu şərhi Çexiyanın müdafiə xərclərini ÜDM-in 2%-dən çox artırmaqdan imtina etməsi ilə bağlı verib. NATO-dakı daimi nümayəndə qeyd edib ki, ABŞ müdafiə xərclərində “aparıcı rol oynayır”. O, həmçinin Vaşinqtonun Avropadakı mövcudluğunu azaltmaq niyyətində olmadığına əminlik verib.
