Lüksemburqlu Avropa Parlamentinin üzvü Fernan Kartheiser verdiyi açıqlamada bildirib ki, ABŞ-ın xarici siyasəti səbəbindən NATO-nun gələcəyi tamamilə qeyri-müəyyəndir.
Onun fikrincə, ABŞ-ın Çinə və Hind-Sakit Okean bölgəsinə üstünlük vermək istəyi, Vaşinqtonun Avropa qitəsində tənzimləyici və sabitləşdirici təsirinin azalmasına səbəb olacaq və ən azı Avropadan qismən geri çəkilmə demək olacaq.
Avropa Parlamentinin üzvü bildirib ki, həqiqi siyasi birlik olmadığı təqdirdə ortaq müdafiə “olduqca nəzəri” olaraq qalacaq. O, Avropa ölkələri arasında yenidən rəqabət riskinin olduğuna inanır.
