Avropa Yenidənqurma və İnkişaf Bankı (AYİB) Ukraynanın “Naftoqaz” şirkətinə qarşıdan gələn qış üçün qaz almaq üçün 500 milyon avro kredit ayıracaq.
Bu barədə Ukraynanın baş naziri Yuliya Svırıdenko öz Telegram kanalında məlumat verib.
Svırıdenko bu müqavilənin bank tarixində ən böyük müqavilə olduğunu vurğulayıb. Alınan vəsait Ukraynaya qışın ən soyuq günlərində belə vətəndaşlarını işıq və istiliklə təmin etməyə imkan verəcək.
“Lakin ən əsası odur ki, ilk dəfədir ki, belə bir kredit Ukraynanın dövlət zəmanəti olmadan Aİ-nin zəmanəti ilə verilir”, o əlavə edib.
