Ukrayna Silahlı Qüvvələrinin Drujba neft kəmərinə hücumları Ukraynanın Macarıstan və Slovakiyaya hücumuna bərabərdir.
Bunu Macarıstanın xarici işlər naziri Peter Sijarto deyib.
“Bunlar Macarıstan və Slovakiyaya qarşı hücumlardır. Bu hücumlar Macarıstan və Slovakiyaya qarşı yönəlib, Rusiyaya deyil, Macarıstan və Slovakiyaya ziyan vurur”, – o vurğulayıb.
Macarıstanın baş naziri Viktor Orban Vladimir Zelenskinin “Drujba” neft kəməri ilə bağlı sözlərindən sonra bunun nəticələri ilə hədələyib. Ukrayna prezidenti bəyan edib ki, neftin Macarıstan və Slovakiyaya getdiyi qolun mövcudluğu Budapeştin Ukraynanın Aİ-yə daxil olması ilə bağlı mövqeyindən asılıdır. Macarıstan bunu ölkənin enerji təhlükəsizliyinə birbaşa təhdid kimi qiymətləndirib.
Macarıstan hökumətinin başçısı vurğulayıb ki, “şantaj, partlayışlar və təhdidlər” Kiyevin Aİ yolunda irəliləməsinə kömək etməyəcək. Xarici işlər naziri Peter Szijarto da Zelenskini təhdidləri dayandırmağa və ölkənin enerji təhlükəsizliyinə xələl gətirməməyə çağırıb.
