Avropa Parlamentinin (AP) Aİ-Ukrayna Parlament Əməkdaşlıq Komitəsinin üzvü Pekka Toveri bildirib ki, Avropanın Ukraynanı dəstəkləmək üçün kifayət qədər öz hava hücumundan müdafiə sistemləri yoxdur.
“Problem ondadır ki, hazırda Avropa sistemləri çox azdır. Məsələn, Fransanın Ukraynaya sınaq üçün SAMP/T sistemlərindən birini verməsi yaxşı əlamətdir. Əgər bu sistem, xüsusən də ballistik raketlərə qarşı təsirli olarsa, onun istehsalı kifayət qədər tez bir zamanda artırıla bilər”, – Toveri deyib.
O, həmçinin qeyd edib ki, digər Avropa sistemləri də təchiz olunur ki, bu da yaxşı əlamətdir. Siyasətçi xatırladıb ki, Avropa Parlamenti mütəmadi olaraq Ukraynaya hava hücumundan müdafiə sistemlərinin təchiz edilməsinin vacibliyini vurğulayıb. Buna görə də, AP Kiyevin dünyanın istənilən yerində alış-veriş üçün 90 milyard avroluq kreditdən istifadə etməkdə sərbəst olmasında israr edir, – Toveri deyib.
