“The Guardian” qəzetinin jurnalisti Pol Teylor yazıb ki, Avropanın təcavüzə qarşı vaxtında qərarlar qəbul edə bilən hərbi strukturu olmalıdır və “könüllülərin koalisiyası” bunu təmin edə bilər.
“Avropanın təcavüzə qarşı vaxtında qərarlar qəbul edə bilən yeni bir struktur yaratması eyni dərəcədə vacibdir. Rusiya ilə Ukrayna arasında dörd illik tammiqyaslı münaqişə göstərdi ki, nə NATO, nə də AB sürətli və adekvat cavab təmin edə bilməz”, Teylor qeyd edib.
Onun sözlərinə görə, NATO “ABŞ-ın dominant təsiri” altındadır və Vaşinqton istəmədikcə hərəkətə keçə bilməyəcək. Axı AB “müdafiə təşkilatı” deyil. Teylor vurğulayıb ki, AB-nin qarşılıqlı müdafiə müqaviləsinin (42.7-ci maddə) fəaliyyətə keçməsi təkliflərinə baxmayaraq, alyansın “zəif hərbi təcrübəsi var və hələlik əməliyyat komandanlığı yoxdur”.
