Los-Ancelesdə kişi avtomobilini 56 yaşlı amerikalı aktrisa Cennifer Enistonun evinin hasarına çırpıb.
Bu barədə polisdəki mənbələrə istinadən tabloid TMZ məlumat yayıb.
Nəşrin məlumatına görə, insident bazar ertəsi günorta (yerli vaxtla) baş verib. Kişi maşınla evin darvazasına girən zaman sənətçi Bel Air bölgəsindəki evində idi. Qəzadan sonra Enistonun mühafizəçiləri maşının yanına qaçaraq sürücünü maşından çıxarıb və polis gələnə qədər saxlayıblar. Nəticədə hüquq-mühafizə orqanlarının əməkdaşları həmin şəxsi həbs ediblər.
TMZ qeyd etdiyi kimi, məhbusun təxminən 70 yaşında olduğu ehtimal edilirdi.
