Lada X-Cross krossoverinin 5 fərdi şəxsə satışının 2023-cü ilin sonu və ya 2024-cü ilin əvvəlində başlanması planlaşdırılır. AvtoVAZ-ın prezidenti Maksim Sokolov bu barədə RİA Novosti-yə müsahibəsində danışıb.
“Artıq birinci partiyaya çoxlu sifarişlər var, güman edirəm ki, o, korporativ müştərilər arasında paylanacaq. Növbəti partiyalara gəlincə, biz artıq fərdi şəxslərə satışdan danışa bilərik: onlar 2023-cü və 2024-cü illərin qovşağında başlayacaq”, – deyə Sokolov Lada X-Cross 5-in satışının başlama vaxtı ilə bağlı sualı cavablandırıb.
Sokolov yeni modelin qiymətini açıqlamasa da, bunun bazar qiyməti olacağını qeyd edib. O, bu modelin istehsalına başlanandan bəri təkrar emal haqqının artdığını, məzənnənin dəyişdiyini və logistika xərclərinin artdığını qeyd edib.
Mənbə: RİA Novosti
