“Aztürk Holdinq”in prezidenti Güləli Bağırov bu gün Gəncə Şəhər İcra Hakimiyyətinin başçısı Niyazi Bayramov ilə görüş keçirib.
İctimai.az xəbər verir ki, görüş zamanı “Aztürk Holdinq” tərəfindən Gəncə şəhərində gələcək dövrdə həyata keçirilməsi nəzərdə tutulan layihələr, regional inkişaf perspektivləri, eləcə də mümkün əməkdaşlıq istiqamətləri ətrafında fikir mübadiləsi aparılıb.
Səmərəli və konstruktiv şəraitdə baş tutan görüşdə tərəflər Gəncə şəhərində növbəti görüşlərin keçirilməsi, qarşılıqlı maraq doğuran məsələlər üzrə dialoqun davam etdirilməsi barədə razılığa gəliblər.
