ABŞ prezidenti Co Bayden Bostonda deyib ki, əgər sələfi Donald Tramp bu addımı atmasaydı, o, yenidən dövlət başçısı postuna namizəd olmaya bilərdi, – RİA Novosti xəbər verir.
“Tramp namizəd olmasaydı, mən əmin deyiləm ki, namizəd olardım. Amma biz onun qalib gəlməsinə imkan verə bilmərik”, – deyə prezident bildirib.
Bundan əvvəl Respublikaçılar Partiyasından ABŞ prezidentliyinə namizəd və Nyu-Cersi ştatının keçmiş qubernatoru Kris Kristi rəqibi, ölkənin BMT-dəki keçmiş nümayəndəsi Nikki Heyli Donald Trampla bağlı mövqeyinə görə tənqid edib. O hesab edir ki, siz Trampa qarşı çıxa və eyni zamanda onu dəstəkləyə bilməzsiniz.
Mənbə: RİA Novosti