ABŞ prezidenti Co Baydenin bəzi müşavirləri fəal şəkildə onu seçki yarışından çəkilməyə inandırmaq üçün yollar axtarırlar. Bu barədə New York Times (NYT) qəzeti mənbələrə istinadən yazır.
Komandasının bir neçə üzvü onun namizəd olmamalı olduğuna əmindir və indi onu buna inandırmaq üçün planlar hazırlayır. Onlar prezidentə sübut etməyə çalışırlar ki, o, ABŞ-ın keçmiş prezidenti Donald Trampı məğlub etməyə qadir deyil. Onlar həmçinin əmindirlər ki, Demokrat Partiyasında bu vəzifənin öhdəsindən gələ biləcək başqa namizədlər də var.
Bundan əlavə, onlar Ağ Ev rəhbərini inandırmaq istəyirlər ki, əvəzedici namizədin seçilməsi prosesi nizamlı olacaq və partiyada xaosa səbəb olmayacaq.
Mənbə: TASS
