Belarus gömrük orqanları ABŞ-dan ölkəyə gələn avtomobildə yenot tapdıqlarını bildiriblər. UPI xəbər verir ki, avtomobil dəniz yolu ilə gələn yük konteynerində olub.
Gömrük yoxlaması zamanı zabitlər heyvanın avtomobilin idarəetmə panelində sakitcə mürgülədiyini görüblər. Yenotu müsadirə ediblər və müayinə və müşahidə üçün Oşmyanı rayonundakı baytarlıq məntəqəsinə aparıblar.
Gömrük Komitəsinin məlumatına görə, heyvan sağlam görünürdü və iştahası yaxşı idi. Agentliyin açıqlamasında yenotun “mehriban və tərbiyəli” olduğu, qidasının isə xərçəng çubuqları və təzə üzüm, eləcə də toyuq yumurtası olduğu qeyd edilib.
Yenotun adı Senyadır. Hazırda 3 fevrala qədər karantindədir. Bundan sonra hakimiyyət onun gələcək yaşayış yeri ilə bağlı qərar verəcək. O, ya Qrodno zooparkına, ya da Nalibokskaya Puşçaya göndəriləcək.
