Belarusun İsveçrədəki səfiri Aleksandr Qaneviç ABŞ prezidenti Donald Trampın təşəbbüsü ilə yaradılmış Sülh Şurasının Nizamnaməsinin təsdiq mərasimində iştirak edib.
Bu barədə Sputnik Belarusa Belarus Xarici İşlər Nazirliyinin mətbuat xidmətindən məlumat verilib.
Mətbuat xidmətinin məlumatına görə, diplomat mərasimdə Belarus prezidenti Aleksandr Lukaşenkonun xahişi ilə iştirak edib.
Nazirlik həmçinin bildirib ki, Belarus şuranın həmtəsisçisi kimi “qarşılıqlı hörmət prinsiplərinə və bu təşkilata üzv ölkələrin milli maraqlarının qeyd-şərtsiz nəzərə alınmasına əsaslanan qlobal və regional təhlükəsizliyin yeni arxitekturasının formalaşdırılmasında fəal rol oynamağa hazırdır”.
