Belarus Atom Elektrik Stansiyasının (BelAES) kollektivi stansiyanın ikinci enerji blokunu şəbəkədən ayırıb; diaqnostikası aparılır.
Bu barədə Energetika Nazirliyinin Telegram kanalında məlumat verilib.
İdarədən vurğulanıb ki, enerji blokunun dayanmasına səbəb generatorun soyutma sisteminin – aqreqatın nüvə olmayan hissəsinin işində sapma barədə həyəcan siqnalının işə düşməsi olub.
Bəyanatda qeyd olunub ki, bu, normal haldır və stansiyanın fəaliyyətinin təhlükəsizliyinə təhlükə yaratmır.
Mətbuat xidmətindən verilən məlumata görə, hazırda ikinci enerji blokunda elektrik avadanlıqlarının sonradan işinin bərpası üçün zəruri diaqnostik tədbirlər həyata keçirilir.
