Belçika Xarici İşlər Nazirliyi bildirib ki, İsrail BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) fəaliyyətini qadağan edən qanun qəbul etməklə beynəlxalq öhdəliklərini yerinə yetirməyib və zərərli presedent yaradıb.
Bu barədə RİA Novosti məlumat yayıb.
Bəyanatda deyilir ki, İsrail Knesseti (parlamenti) BMT Baş Assambleyası tərəfindən UNRWA-ya verilən mandatı açıq şəkildə rədd etmək qərarına gəlib. Bununla da İsrail birbaşa beynəlxalq hüququ pozur. BMT agentliyinin ölkədən çıxarılması BMT-nin çoxtərəfli sistemini ciddi şəkildə sarsıdan dağıdıcı presedentdir.
