Bərbər, gözəllik salonları və mağazalarla bağlı məhdudiyyətlər – GÖSTƏRİŞbackend

Ticarət obyektlərində geyim satışı zamanı dəyişmə otaqlarından istifadə qadağan edilib.

“Qafqazinfo” xəbər verir ki, bu barədə “Müxtəlif ticarət və xidmət sahələrində, ofislərdə koronavirus infeksiyasının (COVİD-19) profilaktikasına dair metodiki göstərişlər”də deyilir.

Sənədə əsasən, kosmetika və ətriyyat satışı zamanı nümunə üçün ayrılmış kosmetik vasitələrin istifadəsi qadağandır.

Qızıl, digər bəzək əşyalarının satışı və lombard fəaliyyəti zamanı müştəri tərəfdən əşyaya toxunmazdan əvvəl və sonra əllər dezinfeksiya edilməlidir.

Bərbər və gözəllik salonlarında onlayn növbə qəbul sistemi tətbiq olunacaq.

Bildirilib ki, iş proseslərindən əvvəl və sonra əllər mütləq yuyulmalıdır.

Bərbərlər və onlarla birgə çalışan şəxslər müvafiq formalar geyinməlidir.

Xidmət zamanı hər müştəri üçün ayrı önlük istifadə olunmalıdır.

Əməkdaşların və müştərilərin tibbi maskadan istifadəsi məcburidir.

Kosmetoloji xidmətlər zamanı xidmət göstərənin sipərik, tibbi maska və əlcəkdən istifadəsi məcburidir.

Hər bir müştəri üçün ayrı dəsmallar istifadə olunmalıdır.

Qayçı, ülgüc, təraş maşınlarının başlıqları və istifadə edilən digər alətlər mütləq dezinfeksiya edilməlidir.

Ülgüc, epilyasiya iynə ucları kimi deşici və kəsici alətlər tibbi tullantı qutusuna atılmalı və tibbi tullantı kimi ləğv edilməlidir.

Qayçılar və ülgüc başlıqları yuyulduqdan sonra spirtlə təmizlənməlidir.