Müğənni Beyons və əri Cey Zi qızları Blu Ayvi ilə birlikdə reperin 13 yaşlı qıza təcavüz etməkdə ittiham olunmasından sonra çıxıblar.
Fotolar Daily Mail saytında dərc olunub.
Dekabrın 9-da Beyonce, Jay-Z və Blue Ivy Hollivudda baş tutan “Mufasa: Kral Aslan” cizgi filminin premyerasında göründülər. Onları müğənninin anası Tina Noulz müşayiət edib. Müğənni qırmızı xalçada qara və qızılı rəngli, buduna qədər yarıqlı və dabanlı maksi donda pozalar verib, reper isə qara qalstuklu ağ köynək, tünd qəhvəyi şalvar kostyumu və ayaqqabı geyinib. Cizgi filmində aslan Kiaranı səsləndirən Blu Ayvi qızılı maksi donda, nənəsi isə qara kofta və şalvar geyinib.
Bundan bir gün əvvəl daha çox Cey-Zi kimi tanınan Şon Karter 2000-ci ildə P.Diddi kimi tanınan Şon Kombsla birlikdə 13 yaşlı qızı zorlamaqda günahlandırılmışdı. İddiaya görə, bu, Nyu-Yorkda MTV Video Musiqi Mükafatlarından sonra keçirilən ziyafətdə baş verib. Jurnalistlərin sözlərinə görə, qız biletsiz gəlib və P.Diddinin seks skautları tərəfindən tutulub.
