“The Telegraph” qəzetinin məlumatına görə, Böyük Britaniyada 52 yaşlı Manjit Sangha it tərəfindən yalandıqdan sonra əzalarını itirib.
2025-ci ilin iyul ayında 52 yaşlı qadın itlə oynayarkən özünü pis hiss etməyə başlayıb. Növbəti səhər əri onu huşsuz vəziyyətdə tapıb. Üç gün sonra qadın komaya düşüb. Reanimasiyada altı dəfə ürək tutması keçirib. Həkimlər dizlərinin altındakı hər iki ayağını, hər iki qolunu amputasiya etməli və dalağını çıxarmalı olublar.
Həkimlər itin tüpürcəyinə təmasın – bəlkə də heyvan kiçik bir yaranı yalaması – sepsisə səbəb ola biləcəyindən şübhələnirlər. Evə buraxıldıqdan sonra britaniyalı qadın hələ də əzalarını itirməsi ilə barışa bilmədiyini, lakin normal həyata qayıtmaq əzmində olduğunu etiraf edib.
