İsrail Hayom xəbər verir ki, Avropa Futbol Assosiasiyaları İttifaqı (UEFA) İsraili beynəlxalq yarışlardan kənarlaşdırmayacaq.
UEFA İcraiyyə Komitəsinin sentyabrın 23-də İsrailin fəaliyyətini dayandırması ilə bağlı səsvermə keçirəcəyi gözlənilirdi, lakin bu məsələ artıq gündəmdə deyil. İsrail Futbol Assosiasiyası diplomatlar, assosiasiya rəhbərləri və adı açıqlanmayan futbol rəsmilərindən yardım alıb. Amerika rəsmiləri də UEFA-nın qərarına təsir göstərərək, UEFA rəsmilərinin “status-kvonu pozmamasını” təkid ediblər.
2022-ci ilin fevralında FİFA və UEFA Rusiya millisini və digər Rusiya komandalarını müvafiq yarışlardan kənarlaşdırıb. Nəticədə, klublar Çempionlar Liqası, Avropa Liqası və Konfrans Liqasında mübarizə aparmaq hüququna malik deyil, kişilərdən ibarət milli komanda isə 2022-ci il dünya çempionatına vəsiqə qazanmaq imkanından məhrum edilib. Rusiyalı futbolçular da 2024-cü il Avropa çempionatında iştirak etməyiblər və ABŞ, Meksika və Kanadada keçiriləcək 2026-cı il dünya çempionatının püşkatma mərasimində iştiraka icazə verilməyiblər.
