Böyük Britaniyada inflyasiya mart ayının sonunda illik ifadədə 3,2%-ə qədər yavaşladı ki, bu da 2021-ci ilin sentyabrından bəri ən aşağı dəyərdir.
Bu barədə ölkənin Milli Statistika İdarəsinin (ONS) hesabatında bildirilib.
Buna baxmayaraq, rəqəmin proqnozdan bir qədər pis olduğu ortaya çıxdı. İngiltərə Bankı və agentliyin sorğusunda iştirak edən analitiklər istehlak qiymətlərinin artımının 3,1%-ə qədər azalacağını gözləyirdilər. Bir ay əvvəl inflyasiya 3,4% idi. Britaniya Mərkəzi Bankının müəyyən etdiyi inflyasiya hədəfi 2%-dir.
Enerji, ərzaq və tütün qiymətlərini nəzərə almayan əsas inflyasiya da fevral ayındaki 4,5%-dən 4,2%-ə enib. Proqnoz göstəricinin 4,1%-ə qədər azalmasını nəzərdə tuturdu. Xidmət sektorunda inflyasiya 6,1%-dən 6%-ə düşüb.
Mənbə: Reuters
