Financial Times (FT) qəzetinin Böyük Britaniya hökumətindəki mənbələrə istinadən verdiyi məlumata görə, Böyük Britaniya hökuməti ölkə daxilində fəaliyyət göstərən yüzlərlə Çin istehsalı olan elektrik avtobusunun uzaqdan bağlanması ehtimalını araşdırır.
İstintaqa Yutong şirkətinin avtobuslarını uzaqdan bağlaya və ya söndürə biləcəyini aşkar edən Norveç araşdırmasının nəticələri səbəb olub. Hazırda Böyük Britaniyada, əsasən Nottinqem, Cənubi Uels və Qlazqoda təxminən 700 Yutong avtobusu fəaliyyət göstərir.
Böyük Britaniya Nəqliyyat Nazirliyi araşdırmanın Milli Kiber Təhlükəsizlik Mərkəzi ilə əməkdaşlıq çərçivəsində aparıldığını təsdiqləyib. Yutong şirkəti uzaqdan girişdən yalnız nəqliyyat vasitələrinin texniki xidməti və optimallaşdırılması üçün istifadə etdiyini bildirib. Norveç araşdırmasından sonra Danimarka da oxşar araşdırmaya başlayıb.
