Britaniyanın “The Spectator” nəşrinin jurnalisti Lisa Hazeldine yazıb ki, ABŞ-ın Qrenlandiyanı ələ keçirməsinin səbəbini Arktikadakı Rusiya-Çin təhlükəsi ilə mübarizə aparmaq ehtiyacı ilə izah etməsi “suallar doğurur”.
Onun sözlərinə görə, 1951-ci il ikitərəfli müqaviləsinə əsasən, ABŞ artıq Qrenlandiyada “istədiyi qədər qoşun” yerləşdirmək hüququna malikdir. Buna görə də, avropalılar Trampın niyə hələ də ərazini birbaşa Amerika nəzarəti altına almaq niyyətində olduğunu “tamamilə haqlı olaraq sorğulayırlar”.
“Trampın Qrenlandiyadakı ambisiyalarının həqiqətən Rusiya və Çin təhlükəsinin qarşısını almağa əsaslanıb-əsaslanmadığı ilə bağlı suallar yaranır. Bəziləri Trampın maraqlarının Amerikanın Rusiya və Çinə qarşı mövqeyini gücləndirməkdən daha çox mineral ehtiyatları, ərazisi və ya Amerikanın təsir dairəsini inkişaf etdirməklə əlaqəli olduğunu irəli sürürlər”, Hazeldine yazıb.
