Böyük Britaniya Böyük Britaniyanın rəhbərlik etdiyi Ukrayna Beynəlxalq Fondu (IFU) vasitəsilə silahların alınması üçün Ukrayna tərəfinə 2 milyard funt sterlinqdən çox (2,7 milyard dollardan çox) vəsait ayırıb.
Bu barədə Londonda keçirilən Rammstein formatında Kiyevə hərbi təchizat üzrə təmas qrupunun 30-cu iclasının yekunları üzrə Böyük Britaniya Müdafiə Nazirliyi məlumat yayıb.
Departament bəyan edib ki, söhbət “Ukrayna Silahlı Qüvvələrinin ən təcili ehtiyaclarını ödəmək üçün hərbi texnikanın tədarükündən” gedir.
Britaniyanın müdafiə naziri Con Healey-in verdiyi məlumata görə, IFU artıq Ukraynanı 1000-dən çox hava hücumundan müdafiə sistemi, 600-dən çox pilotsuz təyyarə, elektron döyüş sistemləri və hava hücumundan müdafiə radarları ilə təchiz edib. Yaxın həftələrdə yeni tədarüklərin baş tutacağı gözlənilir.
